മാനസാന്തരം

ആരും കരയരുത് കണ്ണീരുകണ്ട് അലിയുന്ന ഹ്രിദയങ്ങള്‍

കൂട്ടത്തോ‍ടെ ആത്മഹത്യ ചെയ്തു.

ആരും ചിരിക്കരുത് ചിരിയില്‍ വീഴുന്ന മുഖങ്ങള്‍

കഴുകന്‍ കൊത്തിവലിച്ചു

കവടി നിരത്തി നാളുകുറിച്ചെടുത്തു.

10ല്‍10 പൊരുത്തം ദീര്‍ഘായുസ്സ്.

25ന് 11.30നും12.30നും ഇടയ്ക് മുഹൂര്‍ത്തം.

പുരനിറഞ്ഞ ബാധ്യത തീരാന്‍തുടങ്ങിയ

ആത്മ നിര്‍വ്രിതിയുമായ് അച്ച്ഛന്‍.

മകം പിറന്ന മങ്കയ്ക്ക് മാംഗല്യ സുഖത്തില്‍ അമ്മ

ഓടി നടന്ന് തളര്‍ന്ന അച്ച്ച്ഛനെ നോക്കി

നെടുവീര്‍പ്പോടെ ഈ ഞാനും.

അവള്‍ സുന്ദരിയാണ് . സുമുഖിയാണ്

പാലു പോലെ നിറമുള്ളവള്‍.

കല്ല്യാണത്തിനു രണ്ടുനാള്‍ മുന്‍പെ

ഒരു കൊച്ചു ഷാലില്‍ അവള്‍

10ല്‍ 10 പൊരുത്തവും ദീര്‍ഘായുസ്സും തൂക്കിലേറ്റി.

മുടങ്ങിയ കല്ല്യാണത്തിന്റെ പൊലിഞ്ഞ ജീവന്റെ

കാരണമറിയാന്‍ കവടികള്‍ വീണ്ടും നിരത്തുന്നു.

കലക്കിയ ചാണകവെള്ളം മുഖത്തൊഴിച്ചാവണപ്പലക

വലിച്ചെറിഞ്ഞവനാണ് ഞാന്‍.

കുലവാഴച്ചോട്ടില്‍ കുഴികുത്തിമൂടാതെ എന്നിട്ടും

ചാപിള്ളയും ചുമന്ന് .

ഒരു മാനസാന്തരം ഇനി എന്ന്.?

(അനുഭവങ്ങളീല്‍ നിന്നും എഴുതിയതാണ് .കല്യാണത്തിനു ഒരാഴ്ചമുമ്പേ..വിഷാദരോഗം ബാധിച്ച് ആത്മഹത്യചെയ്ത സ്വന്തം സഹോദരിയുടെ ജാതകക്കുറിപ്പിന്റെ സത്യം)