NINGALKKU EE BLOG VAYIKKAN KAZHIYUNNILLEE PLEACE DOWNLOAD THIS FONTS

Font Banner

Saturday, August 21, 2010

വൈറസ്സ് ഒഴിപ്പിക്കാൻ നൂതന സംവിധാനം.

ഓണത്തിനൊരു സന്തോഷ വാർത്ത
വൈറസ്സ് ഒഴിപ്പിക്കാൻ നൂതന സംവിധാനം.

പ്രിയമുള്ളവരെ   ആന്റി വൈറസ്സ് വാങ്ങി മുടിഞ്ഞു കുത്തു പാളയെടുത്തവരെ നിൻങ്ങൾക്ക് വൈറസ്സ് എന്ന മാറാ ബാധയെ നിങ്ങടെ പി സി യിൽ നിന്നും ഒഴിപ്പിക്കണോ . നാടകക്കാരന്റെ മൂശയിൽ ഉലയൂതിക്കാച്ചിയെടുത്ത  പുത്തൻ കണ്ടു പിടിത്തമിതാ നിങ്ങൾക്കായി സമർപ്പിക്കുന്നു  അതും തികച്ചും സൌചന്യമായി . പേറ്റന്റിനായി അയച്ചിട്ടൂണ്ട് .

 പ്രധാനമായും കമ്പ്യൂട്ടർ വൈറസ്സുകളെ നമുക്കു മൂന്നായി തരം തിരിക്കാം
 1.  low  class virus
 2.  middle class virus
 3.  upper class or Danger virus


ഇനി നമുക്കു low  class വൈറസ്സിനെ എങ്ങിനെ ഒഴിപ്പിക്കാം എന്നതിനെ കുറിച്ചു പഠിക്കാം.
അതിനും മുന്നെ ഇത്തരം വൈറസ്സുകളുടെ സ്വഭാവം അറിഞ്ഞിരിക്കുന്നത് നന്നായിരിക്കും.
 സ്വഭാവം
ഇത്തരം വൈറസ്സുകൾ കൊച്ചു കുട്ടികളുടെ സ്വഭാവക്കാരാണ് ..ആരോടും ചോദിക്കുകേം പറയുകയും ചെയ്യാതെ നമ്മുടെ പി സിയിൽ വന്ന് വേണ്ടാത്തതിലൊക്കെ കേറി പറ്റി ഓഫാക്കിയും ഓണാക്കിയും കളിക്കും ..ചിലപ്പോൾ ഡസ്ക് ടോപ് തന്നെ ഇവറ്റകൾ എടുത്തു  ഒളിപ്പിച്ചു വെയ്ക്കും. അത്ര യുക്കുയ് കുസൃതിക്കുട്ടന്മാരാണിവർ. ഇവരെ നേരിടാനുള്ള എളുപ്പ വഴികൾ ആദ്യം പറയാം.
1. ആദ്യം നല്ല നീളമുള്ള പുളി വടി ചെത്തി വെയ്ക്കുക

2. പിന്നെ പിസിയിൽ നിന്നും ഇവറ്റകളെ തപ്പിയെടുക്കുക . അതിനു അധികം ബുദ്ധിമുട്ടണമെന്നില്ല
   ഏതെങ്കിലും സെക്സ് ഫോട്ടൊ ഉണ്ടെങ്കിൽ വെറുതെ ഇട്ടു കൊടുത്താൽ മതി കേറി പിടിച്ചോളും
.
3. കയ്യിൽ കിട്ടിയാൽ ചെവിക്കു പിടിച്ച് മെല്ലെ വെളിയിലോട്ടു കൊണ്ടൂ വരിക  എന്നിട്ടൊരു മരത്തിൽ കയ്യും കാലും കെട്ടിയിടുക

4. നല്ല കാന്താരി മുളക് ഉണ്ടെങ്കിൽ ഒരു അഞ്ചാറെണ്ണം അരച്ച് കണ്ണിൽ മൃദുവായി പുരട്ടുക (പുരട്ടുമ്പോൾ ശ്രദ്ധിക്കണം പുരട്ടുന്ന ആൾ ആ കൈകൊണ്ട്  അവനവന്റെ ഊര, ചന്തി എന്നീ പ്രത്യേക സാമ്പത്തിക മേഖലയിൽ തൊടരുത് തൊട്ടാൽ അനുഭവിക്കുക അത്ര തന്നെ)

5. പിന്നെ പറ്റുമെങ്കിൽ നല്ല ഇനം ഉറുമ്പിൻ കൂട്  കിട്ടുമെങ്കിൽ തലയ്ക്കു മുകളിൽ കെട്ടിവെയ്ക്കണം (ഉറുമ്പെന്നു പറഞ്ഞാൽ കടിച്ചാൽ നല്ല മൂത്രമൊഴിക്കുന്ന സൈസ് ആയിരിക്കണം ) പിന്നെ ഒരു വടി കൊണ്ട് മെല്ലെ ഉറുമ്പുകളെ ഒന്നൊന്നായി ഇളക്കി മേയാൻ വിടണം.  ഈ സമയങ്ങളിലെല്ലാം വൈറസ്സിന്റെ കരച്ചിൽ പുറത്തു മറ്റാരും കേൾക്കാതെ നോക്കണം.

6. ഇതിനോടകം തന്നെ അവൻ ഇനി മേലാൽ പി സി യിൽ കേറില്ലെ എന്നു പറഞ്ഞിട്ടുണ്ടാകും 
   എന്നിട്ടൂം പറഞ്ഞില്ലെങ്കിൽ അല്പം ചൊറികണ്ടം .(കൊടൂത്ത , ചൊറിയില പലേടത്തും പല പേരാ എന്തായാലും അത്) മെല്ലെ കാലിന്റെ പിൻഭാഗത്തും  പുറത്ത് നട്ടെല്ലിന്റെ ഭാഗത്തും പുരട്ടുക . എന്നിട്ട് നേരത്തെ കരുതി വച്ച പുളിവടി കൊണ്ട് ചന്തി നോക്കി നാലു പിട പിടയ്ക്കുക.  എന്നിട്ട് ഓടെടാ എന്നു പറഞ്ഞാൽ ഇത്തരം വൈറസ്സുകൾ ഓടിപ്പോകും പിന്നെ  ജന്മ കാലം അവൻ ആ വഴിക്കേ വരില്ല.

2. ഇടത്തരം വൈറസ്സുകൾ അഥവാ..middle class virus .
സ്വഭാവം.
           ഇവ വരുന്നത് പലപ്പോഴും നമ്മെ അറിയിച്ചുകൊണ്ടായിരിക്കും  കാലെടുത്തു കുത്തുമ്പോൾ തന്നെ ചിലപ്പോ സിസ്റ്റം റീസ്റ്റാർട്ടൊക്കെ ആയിപ്പോകും. ഇവരുടെ മൈൻ വിഹാര കേന്ദ്രം സി ഡ്രൈവ് ആണ്  അവിടെ ഇവ്റ്റകൾ കൂറയുടെ പണി ചെയ്യും പതുങ്ങിയിരുന്നു ഓരോ ഫയലുകളും മെല്ലെ മെല്ലെ കാർന്നു തിന്നും  ..അതു മൂലം സിസ്റ്റം വളരെ സ്ലോ അയി കാണപ്പെടൂം. ഫയൽ മോഷണത്തിൽ ഇവന്മാരെ കടത്തി വെട്ടാൻ ആരും ഇല്ല . ഇതു മൂലം സാവധാനം സാവധാനം നമ്മൾ സിസ്റ്റത്തോടു ഗുഡ് ബൈ പറയേണ്ടി വരും. ഇവരുടെ മുഖ്യ ശത്രു ആന്റി വൈറസ്സുകളാണ്..അവന്മാരെ ഇവനു പേടിയാണ്..(അമ്മാവൻ വൈറസ്സുകളെയും പേടിയില്ലാതില്ല).    ഇനി ഇവറ്റകളെ ഒഴിപ്പിക്കുന്നത് എങ്ങിനെയാണെന്നു നോക്കാം.

1 . അടുത്തുള്ള പോലീസ്റ്റേഷനിൽ ആദ്യം വിവരം അറിയിക്കേണം പിന്നെ എസ് ഐ മുഖേന കളക്ടർക്ക് ഒരു പരാതി നൽകണം.

2 . രണ്ടു വണ്ടി സായുധ പോലീസ് സേനയെ അല്ലെങ്കിൽ എൻ എസ് ജി  കമാന്റോകൾ ആണ് കുടുതൽ എളുപ്പം .

3. സിസ്റ്റത്തിന്റെ മുകളിൽ ഹെലികോപ്റ്റർ വഴി എൻ എസ് ജി കമാന്റോകളെ ഇറക്കുക.. വളരെ സാവധാനത്തിൽ ഒച്ചയുണ്ടാക്കാതെ വേണം ഇവറ്റകളെ പിടിക്കാൻ
ഷൂട്ട് അറ്റ് സൈറ്റ് ആയിരിക്കണം.. അല്ലേൽ പണി കിട്ടും

4 ഷൂട്ട് ചെയ്യുമ്പോൾ കാലിൽ തന്നെ വെടികൊള്ളാൻ പ്രത്ര്യേകം ശ്രദ്ധിക്കണം. കാരണം ഇവറ്റകളെ ജീവനോടെ പിടി കിട്ടിയാൽ ഇവരുടെ തറവാട് ,അച്ഛൻ അമ്മ ഇവരൊക്കെ ആരാന്ന് ചോദിച്ചു മനസിലാക്കാല്ലോ.

5 ഇവരെ കൊല്ലുന്നതിനും മുന്നെ പോക്കറ്റിലോ അണ്ടർ വെയറിലോ നമ്മുടെ  ആവശ്യമുള്ള ഫയലുകളോ മറ്റോ മോഷ്ടിച്ചിട്ടൂണ്ടോന്നു നോക്കണം ...വിശദമായ ചോദ്യം ചെയ്യലുകൾക്കു ശേഷം ഇവറ്റകളെ കൊന്നൊടുക്കാം ..

3. ഡേഞ്ചർ വൈറസ് അഥവാ. upper class 
സ്വഭാവം
ഇവറ്റകൾ വന്നു കഴിഞ്ഞാൽ പിസിയുടെ ജീവ ഹാനി ഉറപ്പാണ് . ഇവ ജീവനുള്ളവയല്ല
ആത്മാക്കളാണ് . നമ്മൾ ആദ്യം ഓടിച്ചു വിട്ട വൈറസ്സുകൾ മരിച്ചു കഴിഞ്ഞാൽ പ്രതികാര ദാഹികളായി നടക്കും അങ്ങിനെ പ്രതികാരം ചെയ്യലാണു ഇവരുടെ പണി .
ഇതിനും പ്രതി വിധികൾ ഉണ്ട്  പക്ഷേ പിസി എന്തായാലും മരണപ്പെടും  ആ നഷ്ടം സഹിച്ചേ പറ്റൂ. ഇവറ്റകൾ വന്നു കഴിഞ്ഞാൽ പിന്നെ സൂചനകളൊന്നും ഇല്ലാതെ തന്നെ പി സി യെ കൊന്നു കളയും .

 പ്രതിവിധികൾ താഴെ കൊടുക്കുന്നു .

1 പതിനാറു ദിവസം പി സി ഉടമ ചോറ്റാനിക്കര ഭജനം ഇരിക്കണം . കൊടുങ്ങല്ലൂർ ഭരണിക്കു പോയാലും മതി.

2. കടമറ്റത്തു കത്തനാർ, മേപ്പാടൻ, തങ്ങൾ കോയാ  ഹാജി , എന്നിവരുടെ മൂന്നു പേരുടെ കാർമ്മികത്ത്വത്തിൽ വേണം പൂജകാര്യങ്ങൾ നടക്കാൻ.

3. ആദ്യം കത്തി കരിഞ്ഞ നമ്മുടെ പിസി എടുത്തു ഹോമ കുണ്ടത്തിലേക്കെറിയുക

4 . മന്ത്രവാദികൾക്ക് കള്ള് , കപ്പ , കരിമീൻ എന്നിവ നേദിക്കുക്ക.

5 അവർക്കെത്ര കാശായെന്നു വച്ചാൽ അതും കൊടുത്ത് പറഞ്ഞു വിടുക  ഇവർ മടങ്ങിപ്പോകുമ്പോൾ

 കരിഞ്ഞ പി സിയിൽ നിന്നും ഹോമ കുണ്ടത്തിൽ നിന്നും ഒരു വെളുത്ത പുകയും കറൂത്ത പുകയും കൂടി പുറത്തു വരും അപ്പോൾ മനസിലാക്കാം ...അതും ഒഴിഞ്ഞു പോയെന്ന് .

N B: വൈറസ് ബാധയെ അകറ്റുക എന്നതിനെക്കാൾ എളുപ്പം വൈറസ്സിനെ എങ്ങിനെ വരാതെ നോക്കാം എന്നതാണ് . അതിനുള്ള ചില മാർഗ്ഗങ്ങൾ കൂടി പറയാം .
1. വായു സഞ്ചാരമില്ലാത്ത മുറിയിൽ പി സി വെയ്ക്കുക.
2.ജനൽ, വാതിൽ, താക്കോൽ പഴുത് .വെന്റിലേറ്റർ ..എന്നിവ ഒരു പഴുതും കൂടാതെ അടയ്ക്കുക
3 അനാവശ്യമായി വാതിലും ജനലും തുറന്നിടരുത്
4.വീടിനു ചുറ്റും ഒരാഴ്ചയിൽ ഒരിക്കൽ കായമോ , ചാണക വെള്ളത്തിൽ വെളുത്തുള്ളി കലക്കിയോ   അല്ലെങ്കിൽ ഡി ഡീ റ്റി (അതു നിരോധിച്ചു എന്നു തോന്നുന്നു ) റ്റ്വിക് -20 എന്നിവ കലക്കി ഒഴിക്കുന്നതും നന്നായിരിക്കും.  

ഇതാണു നാടകക്കാരൻ ലബോറട്ടറിയിൽ നിന്നും പുതുതായി കണ്ടു പിടിച്ച വൈറസ് നിവാരണ പ്രോജക്റ്റ്. ഇതിന്റെ വീഡിയോ ദൃശ്യങ്ങൾ തപാലായി കിട്ടാൻ
                                        സിക്രട്ടറീ
ആന്റി വൈറസ് സ്ക്വാഡ്
മതർ ബോർഡ് പുരം പി ഓ
ഹാർഡ് ഡിസ്ക് . 389298375
എന്ന വിലാസത്തിൽ  അയക്കുക പി പി പി ആയി അയക്കുന്നതായിരിക്കും .
വില വെറും 6666രൂപ മാത്രം .

17 comments:

  1. പോസ്റ്റ് കണ്ടപ്പോള്‍ ആദ്യം കരുതി നാടകക്കാരനും മുള്ളൂക്കാരന്റെ പോലെ ടെക്നോക്രാക്റ്റ് ആയെന്ന്. പിന്നെ വായിച്ച് വന്നപ്പോള്‍ മന്‍സ്സിലായി തമാശിച്ചതാണെന്ന്. എന്റെ പി.സിയില്‍ ഇടക്കിടെ കയറുന്ന് മീഡിയം ടൈപ്പ് വൈറസ്സിന്റെ ഉപദ്രവം ക്ഷ ശല്യമായിട്ടുണ്ട് നോമിന്. പ്രതിവിധി നിര്‍ദ്ദേശിക്കാന്‍ ഇവിടെ വിവരമുള്ളവര്‍ ഇല്ലേ?

    പോസ്റ്റ് ചിരിപ്പിച്ചു കേട്ടോ

    ReplyDelete
  2. മൂന്നു തരം വൈറസും ചേര്‍ന്ന് നാടകക്കാരനെ നല്ലോണം വലച്ചൂന്ന് മനസ്സിലാ‍യി!!! My deepest condolences...
    ന്തായാലും ... കായം കലക്കി തളിക്കല്‍ നിര്‍ത്തണ്ട...
    All The Best!

    PS: Please apply for patent before Symantec or Kaspersky finds this post!

    ReplyDelete
  3. ജനലും വാതിലും അടച്ചാൽ പോര; ആ വലയില്ലെ ഇന്റർനെറ്റ്, അതാണ് ആദ്യം പൊട്ടിക്കേണ്ടത്. അതിൽ പിടിച്ചാണ് ഇവറ്റകൾ വരുന്നത്. പിന്നെ വെളുത്തുള്ളിയും കായവും എല്ലായിടത്തും തളിക്കണം.

    ReplyDelete
  4. ഹോ..... സത്യം പറഞ്ഞാല്‍ ഈ വൈറസുകളെ കൊണ്ട് തോറ്റു ...ഈ പൊടി കൈ എന്തായാലും ഉപകാരമാകും

    ReplyDelete
  5. nice post... the sense of humor is really refreshing... thumbs up...

    ReplyDelete
  6. മനോരാജ് താങ്ക്യൂ ടാ.. താങ്കൂ....എന്റെ കണ്ടുപിടിത്തത്തെ അപ്രീഷിയേറ്റ് ചെയ്യുന്ന ആദ്യത്തെ മനുഷ്യനാടാ നീ..ങീ...ന്ദീ...എനിക്കു കരച്ചിൽ വരുന്നു.
    സരഞ്ചിതം. എന്നാലും എന്റെ ദു:ഖം മനസിലാക്കിക്കളഞ്ഞല്ലോ..അനുശോചനത്തിനു നന്ദി. മിനിട്ടീച്ചറെ ഈ നെറ്റ് മുറിക്കാൻ കുറെ നോക്കി പക്ഷെ നടന്നില്ല അതിലും വലിയ വയറസ്സുകളായ നിങ്ങളെ ഒക്കെ കാണാണ്ടിരുന്നാൽ ഉറക്കം വരികേല. അതാ...പണിക്കരേട്ടാ...വന്നൊരു ചായ കുടിച്ചു പോയതിനു നന്ദി . പവപ്പെട്ടവൻ അപ്പൊ വൈറസ്സുകളുടെ അടുത്തും തോറ്റു അല്ലെ ഇനിയും ജീവിതം ബാക്കിയുണ്ടോതോൽ വികൾ ഏറ്റു വാങ്ങാൻ അവിനാശ് നന്ദി.

    ReplyDelete
  7. ഹ..ഹ..ഹ
    കലക്കീട്ടോ...

    ReplyDelete
  8. ബിജു എന്റെ ജനലില്‍ കൂടി തലയിട്ട്
    "ഓണത്തിനൊരു സന്തോഷ വാർത്ത
    വൈറസ്സ് ഒഴിപ്പിക്കാൻ നൂതന സംവിധാനം..."
    എന്ന് ഇന്നലെ പറഞ്ഞപ്പോള്‍ ഞാനു്
    നോക്കാന്‍ ഒന്നു മടിച്ചു സാങ്കേതികം എനിക്ക് തലയില്‍ കയറൂല്ല ...
    ഇന്ന് പള്ളിക്കുടം പൂട്ടി ..എന്നാ സ്വല്പം വിവരം വയ്ക്കാമെന്ന് കരുതി വന്നതാ ഇപ്പോ എല്ലാം മനസ്സിലായി... :)
    ഇനി പോയി ഒരു പായസം വയ്ക്കട്ടെ ...
    ഓണാശംസകള്‍....

    ReplyDelete
  9. ഓഹോ അതു ശരി....ഇപ്പോള്‍ കാര്യം പിടികിട്ടി ..ഇനി ശ്രദ്ധിച്ചോളാം
    ഹി..ഹി...ഹി... നല്ല രസ്കരമായീ കേട്ടോ

    ReplyDelete
  10. നാടകം എല്ലാ മരുന്നിനും നന്ദി .. ഇതില്‍ നീ ഏതു വിഭാഗം വൈറസ്‌ ആണ് :)
    ചിരിപ്പിച്ചൂട്ടോ

    ReplyDelete
  11. സംഗതിയൊക്കെ കൊള്ളാം. വൈറസ് ഇങ്ങോട്ടു പണി തരാതിരുന്നാല്‍ മതി. ചിരിയുടെ വൈറസിനു ‘ആന്‍റി‘യുണ്ടോ? അല്ല ആന്‍റിവൈറസ് ഉണ്ടാക്കാന്‍...

    ReplyDelete
  12. വളരെ രസകരമായിരിക്കുന്നല്ലോ ഈ ബാധ ഒഴിപ്പിക്കല്‍ ....

    ReplyDelete
  13. പോസ്റ്റ് ടൈറ്റില്‍ കണ്ടപ്പോള്‍ ഞാന്‍ എന്തോരു സ്വപ്നം കണ്ടു

    എല്ലാം തകര്‍ത്തെറിഞ്ഞു ല്ലെ..

    ReplyDelete
  14. ഒരു വൈറസിനെ കിട്ടിയിരുന്നെങ്കില്‍ കാണിച്ചു കൊടുക്കാമായിരുന്നു

    ReplyDelete
  15. കടുത്ത വൈറസ് ബാധയുള്ള ഒരു പി സി യുമായാണ് നിനെറെ www.nadakakkaran.co.cc
    വായികനെതിയത് .....
    സത്യം പറയാലോ .......... ഈ തമാശ കേട്ട് നല്ല ദേഷ്യം വന്നു...... എനിയെഗിലും കതയ്കു പെരിടുബോള്‍ ശ്രധികുക ....

    ReplyDelete
  16. vilayo mecham gunamo thucham
    arrk venenkilum vangikaam
    eppe veneniklum vangikkam
    kadannu varuu kadannu varuuu..
    ...............

    ReplyDelete